ដុតទៀនទុកចោល នៅក្នុងផ្ទះ នាំគ្នាទៅលេងបុណ្យបញ្ចុះខណ្ឌសីមា មកវិញផ្ទះត្រូវភ្លើងឆេះអស់គ្មានសល់
19-February-2018 | ដោយ ពលមនសិការ
ឧត្តរមានជ័យ ៖ ផ្ទះប្រជាពលរដ្ឋមួយខ្នងទំហំ៧ម៉ែត្រគុណ ៩ម៉ត្រ ធ្វើអំពីឈើប្រកស័ង្កសី ត្រូវអគ្គិភ័យលេបត្របាក់ទាំងស្រុងកាលពីវេលាម៉ោង១១និង១០នាទីយប់ ថ្ងៃទី១៧ ខែកុម្ភៈ ឆ្នាំ២០១៨ នៅចំណុចភូមិអូររំដេង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។ សមត្ថកិច្ចបានឲ្យដឹងថា ម្ចាស់ផ្ទះ ឈ្មោះ ឈាង ផាច ភេទ ប្រុស អាយុ ៤៨ ឆ្នាំ (មុខរបរអនុប្រធានភូមិ)ប្រពន្ធ ឈ្មោះ ម៉ប់ ស៊ីណា ភេទស្រីអាយុ ៥១ ឆ្នាំ មានកូន ០៤ នាក់នៅក្នុងបន្ទុក។
សមត្ថកិច្ច បានឲ្យដឹងថា ការខូចខាតៈ ឆេះម៉ូតូ ០២ គ្រឿង សាឡុង ០១ ឈុត និងសម្ភារៈទ្រព្យសម្បត្តិមួយចំនួនក្នុងផ្ទះត្រូវឆេះខូចខាតទាំងស្រុង ។
សមត្ថកិច្ចបានបន្តទៀតថា មូលហេតុដុតភ្លើងទៀនទុកចោលនៅលើផ្ទះ ម្ចាស់ទៅបុណ្យបញ្ចុះខណ្ឌសីមានៅវត្តស្រែកណ្ដាលទាំងអស់គ្នា។ ករណីនេះពុំមានរងរបួសស្លាប់ជនរងគ្រោះណាម្នាក់នោះទេ ៕ (ចាន់ ធី)
ចំនួនអ្នកទស្សនា
- ថ្ងៃនេះ10831
- ម្សិលមិញ10851
- សប្តាហ៍នេះ77351
- ខែនេះ192501
- ឆ្នាំនេះ192501
- សរុប20634957